Lehenengo inpresioak

Bi egun pasatu dira irlara heldu ginenetik, oso liatuta egon gara irla ezagutzen eta apartahotela bilatzen 10 egunetarako, behin betiko etxea aurkitu arte. Aurkitu dugu nahi genuena, itsaso ondoan eta sukaldearekin, etxea itsasoaren gainean dago eta terrazatik uretara salto egiten dugu, pixkat garesti baina astebeterako da.

Hemengo itsasoan itsas-izar asko aurkitzen dira eta arrain tropikalak. Eta uretatik kanpo kolibriak, geckoak, musker handiak, koloretako txoriak...

Herriaren lehenengo inpresioa ona izan da, lasaia, koloretako egurrezko etxeak, hau da karibeko herritxoa baina turistentzako tabernekin, jatetxeekin eta hainbat tour-agentzia jarduerak egiteko: ondoko irlak ezagutu, tirolinak, kayak, surf, urpekaritza, snorkel, bizikleta... Bere alde txarrak ere badaude, momentuz eguzkia gutxitan ikusi dugula eta euri txaparradak egunero, eta herriko zaborrak badirudi soilik noizean behin jasotzen dituztela...

Eskola berria bisitatzen

Peioren sarrera

Kaixo  Peio naiz emen oso ondo gaude sartu gara itsasoan tranpolin batetik eta tranpolina tablas eta neumatikos eginda segoen, ikusi ditugu arrain horratsak oso politak siren eta  beldurtzen senituenean  salto egiten suten,hotel  au oso lugosoa da teraza bat dauka itsasoari begira  amaka bat, sukaldea,logela,komuna,itsas isarrak,beroa.euria,a eta fruita oso izen arraroa dauka eta oso arraroak dira.aaaaaguuuuuuuuuuuuuuuuuuur.

Heldu gara!

Atzo Ciudad de Panamá ikusten jarraitu genuen, batez ere kanala eta bere inguruak. Gringoek okupatutako lurrak izan dira 2000. urterarte. Panameñoak ezin ziren sartu.
Orain leku turistikoa bihurtzen ari da. Causeway oso bitxia da, kanala egin zutenean atera zuten lurrarekin errepide bat egin zuten irla batzuetaraino. Bertan eraikitzen ari dira Frank Gehryk egindako biodibertsitatearen museoa.

Kanalaren gainetik pasatzen den Puente de las Américas

Kanala ikusgarria da. Itsasontzia esklusen artean sartzen da eta 8 minututan ura sartzen dute 8 metro igo arte. Gero bidea jarraitzen du. 3 esklusa daude guztira 26 metro igotzeko, erdialdean dagoen lakuak daukan altueraraino, eta beste 3 esklusa berriro jaisteko atlantikoko altueraraino.

 Erick taxistarekin egin genuen tourra, oso tipo majua! 2.argazkikoa ez da Erick, eh?

Gaur hegazkina hartu eta Bocas del Torora heldu gara. Lehenengo inpresioa ona izan da. Hegazkinetik ikusi dugu horrenbeste aldiz Google Earth-en ikusitakoa. Hotelera heldu eta ez dugu denbora handirik izan herria ikusteko gaua heldu aurretik. Oso lasaia ematen du, kotxe gutxi, bizikleta asko, herri karibeñoa 100%, Panamako hiriarekin kontrastatuz.

Ciudad de Panamá

24 orduko bidaia izan dugu Bilboko gure etxetik atera ginenetik Panamako hotelera heldu arte.
Bilbao - Frankfurt - Santo Domingo - Ciudad de Panamá.

7 orduko diferentzia dago. Hau da gehien kostatu zaiena umeei. Hegazkinean txarto lo egin
ondoren hemen goizeko 6ak ziren nahiz eta gure erlojuetan eguerdiko ordubata agertu. Pizza batzuk gosaldu-bazkaldu ditugu, hoteleko piszinan bainatu gara eta bueltatxo bat eman dugu alde zaharretik.
Hirian etxeorratz ikaragarriak daude, New York tropikala da. Lainotuta dago baina tenperatura oso ona, 28 gradu.

Arratsaldeko lauretan bazkaldu-afaldu dugu eta hotelera etorri pelikula bat ikustera. Umeak lokartzen ari dira ordenagailuari begira. Ea gaur deskantsatzen dugun bihar Panamako kanalen esklusak bisitatzeko. Ikusgarriak omen dira.